Restaurant zu vermieten - 9043 Trogen, Speicherstrasse 44

Päscht a de Hoptschtross is Kultur-Doof Troge vemieted me e eebe höckige Beiz mit eme Blätsch Paakplätz fö d'Gescht. D'Weetslüüt chönd e hälli Mäsonett-Wohnig bewohne mit ärä ägäne Chochi ond obe ine hätt's e Tuschi mit Klosett.

S'Reschtaurant isch oodeli höll und macht e gueti Gattig. S'hätt Plätz für 35 Gescht ond wenn's e chli zäme rotschid möged guet 50 ini.

I de Näbed-Schtobe hätt's en "Fümuar" fö die, wo geen a de Weemi äs bäcklid.

D'Chochi isch ääfach igrecht, aber s'langed no eebe wyt usi zom währschaft choche.

Im Chölle one hätt's eebe hochi ond grosszögige Lager-Rüüm ond e äägeni langi Garasch för zwo Chläpf.

Me suechid Eu: ufgschtellti Weetslüüt aller Gattig, wo wend weechä ond loschtig ha und mit de Ziit chönd en Batze uf d'Siite tue.

Zom Aafange bruchid eh nöd viel "Schpäutz" ond wa för e Pier das eh wönd vechaufe, chönd eh sölbe wähle - seggs Schötzegaate oder Appezölle-Pier.

Sönd eh gwonderig? - denn meldid Eu ond me zääged Eu da Bischu - s'weed Eu nüd greuig sii. Chönd zonis! - Hällewie!