Single room for rent - 8032 Zürich, Forchstrasse 151

Mir vermietet abem 1. Mai bzw. ab sofort es 12 m2 grosses, hells Zimmer mit Holzbode und Ihbauschränk. DWohnig het es grosses gmüetlichs Wohnzimmer, e grossi Chuchi mit Geschirrspüeler und Gasherd und e chlini Dachterrasse. De Priis isch inkl. W-Lan. DWohnig isch leider befristet uf eppe 2 Jahr (bis März 2027).

Mer sueched ab sofort en Mitbewohnerin zwüsched 24-30 wo sozial und offe isch und die gliiche Wert teilt wie mir :) Du passisch sicher zu eus, wenn du ume bisch zum amel eppis underneeh (zemme znacht esse, en Spiliabig oder eppis ufem balkon sippe) aber ab und zue au ziit für dich bruchsch. Super wärs au, wennd ufen gwüsse Suberkeitsstandard wert leisch und du nöd kommunikationsscheu bisch, wenns um WG-ahhglegeheite gaht ;)

Wenn du ähnlich druf bisch und luscht uf e cozy WG ziit hesch, meld dich gern. Aso schriib eus gern en kurze text über dich, wer du bisch, was du gern so machsch und wie du dir sWG-lebe vorstellsch :)

Mir sind Simon (er/ihm, 26) und Helin (sie,/ihr, 25) und hend eus ide letschte WG kenneglernt, sind zemme wiiterzoge und sueched jetzte epper 3. für eusi neui WG, wo luscht het die neui Wohnig zumne gmüetliche dihei zmache. Wenn mir beidi dihei sind verbringemer eusi äbige gern zemme demit eppis feins zchoche, 1 gege 100 zluege, mario kart zspiele und im summer amel zemme grilliere und aperööle ufem balkon :)

Simon: Ich ha grad min Bachelor in Umweltingeneurswese abgschlosse und bin momentan grad chli Ushilfsjobs am mache. Mini Freiziit verbringi gern mit aktive sache wie tschutte, bouldere oder ich bi unterwegs mit friends.

Helin: Ich schaffe als Eventmanagerin und han au usserhalb vom Job gern, wenn viel loos isch :) Ich mach viel mit kollege*inne - segs käffele, aperööle, ah Kulturverahstaltige, in Usgang oder ah konzert. Suscht bini au gern kreativ, segs bim zeichne, häkle, Silberschmuck mache oder bim Wohnig ihhrichte ;)