Zimmer zu vermieten - 3011 Bern, Schwanengasse

Dini Oase
Uf di wartet es grosses Zimmer, ruhig gläge obwohu de mits in Bärn bisch. Du hesch es eigets Bad mit Duschi, es grosses Wohnzimmer, e grümigi Chuchi, e eigete Wöschturm u e supertolli dachterrasse mit Blick uf Münster u Bundeshuus.

Über üs
Mir, Finn (23, er) u Malin (27, sie), si uf dr suechi nachemne nöie WG gspänli bi üsere WG ir Schwanegass. Aus päärli u wg-gspänli läbe mir sit zwöi Jahr i dere WG. D WG isch dementsprächend scho gnue iigrichtet, so dass du würk nur Sache für dis Zimmer bruchsch.

Im Summer simer mega gärn u viu uf üsere Dachterrasse am grilliere, plöiderle u spili spile oder ir Aare am schwümme. D Malin isch immer z ha fürnes Spaziergangsplöidere u wede Fuessbauinteressiert bisch, chasch di sicher guet mitem Finn aafründe (ou süsch natürlech).

Z beste
Di absolute Highlights sii di erwähnti Dachterasse mit Rundumblick uf t Stadt und di unschlagbari Lag, wo dr 365 Täg im Jahr z iichoufe bis am 22:00 ermüglecht.

Wen mr üs wünsche
Mir sueche e eher ruhigi u glich offeni Person wo mau gärn zäme znacht isst oder es spili spiut, aber oh gärn chli zyt für sich verbringt. Am liebste wär üs e wiiblechi Person. Aaschribe dörfe üs aber sicher mau aui (: