Zimmer zu vermieten - 8404 Winterthur

Mir sind uf de suechi nach öpper neuem für eusi WG.

Zerst zude Wohnig bzw. Huus, mir wohned ime sehr familiäre Quartier in Oberwinterthur in Gehdistanz (3-5 Minute) zu Migros, Coop, Aldi und Denner und 15 Minute zum Bahnhof Oberwinterthur. Bushaltestell hets ganz nöch (ca. 3-4 Minute zFuess).
Es isch es Reihehüüsli mit Garte, grosser Stube und Cheller inklusiv eigener Wöschmaschine. Dis Zimmer wär de Dachstock wo biz meh wie 30 m2 Flächi het plus verwinkelti Staurüüm.

Jetzt zu eus:
Mir sind zwei Fraue (20 und 23), beidi Endi vom erste Jahr ad ZHAW, womer Ergotherapie studiered. Hend beidi sehr gern soziali Kontäkt und freued eus immer über en gmeinsame Znacht und en Schwatz zwüsched dure.
Umweltschutz, Gliichgeberchtigung und konstruktivi Kommunikation lieged eus bsunders am Herz. Nebedem Studium machedmer beidi gern Sport und sind grossi Naturliebhaberinne.

Wennd du dich mit dene Eigeschafte wenigstens es bizzli identifiziere chasch und au gern meh als nur eh Zwecks-WG möchtisch, denn chasch dich sehr gern bi eus melde und eus biz öppis über dich verzelle. En pflegte Garte findsch bi eus leider nöd, wennd aber en grüene Duume hesch wäred paar pflänzli (bsunders Chrüütli) sehr dankbar, natülich keis Muss.

Izuug wär per sofort oder nach Veriibarig möglich:)

Liebi Grüess
Saskia & Anna Pia